تتم الاستشارات النفسية على أيادي عن طريق مكالمات فيديو وتقدر تحوّلها إلى مكالمة صوتية بمجرد إغلاق الكاميرا. وبهذه الطريقة تسهّل الحصول على خصوصية أكثر وبعد باستخدام الجوال والآيباد أو حتى اللابتوب تقدر تحضر جلساتك من أي مكان برا البيت.
نعرف أنه أحياناً صعب تلقى مكان فاضي بالبيت عشان تحضر الجلسة بسرية وخصوصية وعشان كذا هذه بعض الأماكن اللي تقدر تحضر منها جلسات الاستشارة النفسية بدون لا يسمعك أحد:
من سيارتك أو سيارة أحد أصدقائك أو أقربائك وهي واقفة.
من الحوش أو البلكونة أو أي حديقة قريبة وفاضية فيها خصوصية.
من الحمام أو غرفة الملابس.
إذا كنت تشتغل من المكتب، احضر الجلسة من غرفة إجتماعات فاضية في وقت الغداء أو بعد ساعات الدوام على طول.
إذا كنت بالجامعة، احضر الجلسة من صف فاضي أو غرفة للدراسة في المكتبة الجامعية.
لو عندك غرفة فاضية بالبيت بس ممكن يسمعك أحد:
البس سماعات فيها ميكروفون يكون قريب من الفم عشان تقدر تتكلم بصوت واطي.
حط فوطة أو بطانية عند فتحة باب الغرفة من تحت عشان تكتم الصوت.
شغّل أصوات ضجيج أو أي موسيقى عند الباب عشان تغطي على صوتك.
اضغط هنا لقراءة النسخة المفصلة على مدونتنا لإيجاد طرق أكثر لتأمين الخصوصية لجلسات العلاج الخاصة بك!